कोहलपुर \बागेश्वरी बहुमुखी क्याम्पस कोहलपुरमा अनेरास्ववियुका पुरै प्यानल निर्वाचित भएका छन। मध्यपश्चिमाञ्चल विश्वविद्यालयको आंगिक क्याम्पस बागेश्वरी बहुमुखी क्याम्पसमा अनेरास्ववियु बाट अध्यक्ष उम्मेदवार देवेन्द्र बहादुर बुढाको प्यानल नै निर्वाचित भएको हो ।
स्ववियु निर्वाचनमा सभापतिमा देबेन्द्र बुढा ४सय ५४ मत ल्याएर विजयी भएका हुन। नेविसंघबाट अध्यक्ष उम्मेदवार टिका कुमारी शाहीले कूल २ सय ४० मत मात्र प्राप्त गरिन। त्यसै गरी अखिल (कान्तिकारी) अध्यक्ष उम्मेदवार लक्ष्मण आचार्यले २ सय २४ मत प्राप्त गरेका थिए ।
अनेरास्ववियु बाट सचिवमा महेन्द्र मल्लले ३१४ मत र कोषाध्यक्षमा सुरेश चादरले ३१४ मत ल्याएर विजयी भएका छन्।
यस्तै सदस्यमा अभिसा बोहोराले ३१७, निर्थकुमारी नकालले ३२७ मत र सिर्जना मल्लले ३३७ मत ल्याएर विजयी भएका छन्।
जम्मा मत संख्या ११९२ रहेकोमा ९६० मत खसेको निर्वाचन मण्डलले जनाएको छ ।
