बाँके\नेकपा एमाले सुदूरपश्चिम प्रदेश कमिटीको प्रथम अधिवेशन उद्घाटन गर्न पार्टी अध्यक्ष केपी शर्मा ओली आज धनगढी जाँदै छन्।
अध्यक्ष ओलीको सचिवालयका अनुसार बिहान पौने ९ बजे धनगढीका लागि प्रस्थान गर्ने तयारी छ। एमालेका सात भौगोलिक र एक गैरभौगोलिक प्रदेश कमिटी मध्ये छ वटाको अधिवेशन भइसकेको छ।
जसमा सबभन्दा पहिला लुम्बिनी प्रदेशको अधिवेशन भदौको १६ र १७ गते भएको थियो।
त्यसपछि भौगोलिकतर्फ बागमती,कर्णाली,कोशी र गण्डकी प्रदेशका अधिवेशन सम्पन्न भइसकेका छन्। गैरभौगौलिकतर्फ उपत्यका विशेष प्रदेश कमिटीको अधिवेशन पनि सम्पन्न भइसकेको छ। अब सुदूरपश्चिम र मधेश प्रदेशको अधिवेशन हुन बाँकी छ।
