काठमाडौं:गुगलले प्रयोगकर्ताको सुरक्षाका लागि विशेष योजना बनाएको छ। गुगलको नयाँ योजना अन्तर्गत, लाखौं यूआरएल चाँडै बन्द हुनेछन्। वास्तवमा, गुगलद्वारा जीओओ डट जीएल (goo.gl) यूआरएल बन्द गरिने भएको छ।

यो यूआरएल शर्ट गर्ने सेवा कम्पनीद्वारा बन्द गरिनेछ। यसका लागि समयसीमा पनि तोकिएको छ। गुगलले यो यूआरएल अगस्ट २५, २०२५ देखि बन्द गर्नेछ। यस सम्बन्धमा कम्पनीले चेतावनी समेत दिएको छ।

अगस्ट २५, २०२५ पछि सेवा बन्द हुने

गुगलका अनुसार अगस्ट २५, २०२५ पछि, जीओओ डट जीएल  यूआरएलहरू ४०४ इररको साथ देखा पर्नेछ। यसको अर्थ सबै लिङ्कहरूले अगस्त २५, २०२५ पछि काम गर्न बन्द गर्नेछन्। गुगलको यो निर्णयपछि लाखौं छोटो यूआरएल बन्द हुनेछन्।

कम्पनीले चेतावनी जारी गर्यो

गुगलका अनुसार अगस्ट २३ सम्म प्रयोगकर्ताहरूलाई अलर्ट पठाइनेछ। जब प्रयोगकर्ताले जीओओ डट जीएल लिङ्कमा क्लिक गर्छ, उसलाई यो सेवा बन्द हुन लागेको सूचना पठाइनेछ।

गुगलले पहिले यो सूचना सीमित व्यक्तिहरूलाई मात्र पठाउनेछ। तर मिति नजिकिँदै गर्दा, यो सबै प्रयोगकर्ताहरूलाई पठाइनेछ। यस छोटो लिङ्कको बारेमा गुगल विकासकर्ताहरू र वेबसाइट मालिकहरूलाई निर्देशनहरू पनि दिइएको छ।

वास्तवमा, यो सेवा २०१८ मा बन्द हुने घोषणा गरिएको थियो। यसपछि सन् २०१९ मा लिंक छोटो बनाउने सुविधा बन्द गरिएको थियो। अब यो लिङ्क सेवा सदाको लागि बन्द हुनेछ। गुगलले आफ्ना सेवाहरु बन्द गरेको यो पहिलो पटक भने होइन। यसअघि गुगल प्लस, ह्याङ्गआउट्स, स्टाडिया बन्द भइसकेका छन्।