नेपालगञ्ज : बाँकेमा सात जना जुवाडे पक्राउ परेका छन् । बैजानाथ गाउँपालिका–६ रामपुर बस्ने ४९ वर्षीय समर चन्दको घरमा जुवातास खेलिरहेको अवस्थामा उनीहरुलाई पक्राउ गरिएको हो ।

समर समेत ७ जनालाई गएराति प्रहरीले पक्राउ गरेको छ । इलाका प्रहरी कार्यालय कोहलपुरबाट खटिएको प्रहरीले उनीहरूलाई नगद ३८ हजार रूपैयाँ र ८ बुक ताससहित पक्राउ गरेको हो । पक्राउ परेकाहरुमाथि थप अनुसन्धान भईरहेको बाँके प्रहरीले जनाएको छ ।