बाँके बैजनाथ । राष्ट्रिय भिटामिन ए कार्यक्रम आगामी मंसिर ११ र १२ गते सञ्चालन गरिने भएको छ । कार्यक्रमलाई प्रभावकारी बनाउन सबै गृहकार्य सम्पन गरिएको बैजनाथ गाउँपालिका स्वास्थ्य शाखाले जनाएको छ ।
स्वास्थ्य शाखा प्रमख लक्षमण शाहिले मंसिर ११ र १२ गते भिटामित ए र जुकाको औषधि खुवाउने कार्यक्रम प्रभावकारी बनाउन तयारी पुरा भएको जानकारी दिएका हुन् । यसअघि कार्तिक २ र ३ गते यो कार्यक्रम तय गरिएको थियो ।
स्वास्थ्य शाखा प्रमख लक्षमण शाहिले भने,‘नियमित कार्यक्रम अन्र्तगत हरेक वर्ष वैशाख र कार्तिकमा भिटामिन ए खुवाउने कार्यक्रम हो तर कोरोना महामारीका कारण वैशाखमा हुन नसकेकोपछि एक महिना ढिला भयो । ६ महिनाको अन्तरमा खुवाउनुपर्ने भएकाले समय मिलाउन मंसिरमा समय तोकिएको हो।’
६ देखि ५९ महिनाका बालबालिकाहरूलाई भिटामिन ए, १ देखि ५ वर्ष सम्मका बालबालिकाहरुलाई जुकाको औषधि र ६ देखि २३ महिनाका बालबालिकाहरुलाई बहुसुक्ष्म पोषक तत्व बालभिटा खुवाइने कार्यक्रम बैजनाथ स्वास्य शाखाको छ ।
शाखाले कोभिड १९ संक्रमण लाई मध्य नजर गर्दै सुरक्षाकर्मी ,महिला स्वास्थ्य स्यम सेविका स्वास्थ्य यूनिट ,जनप्रतिनिधि , स्यानीय राजनितिक दल , समाजसेवि , सबैलाई परिचालित हुने छन् , शाहिले भने । शाखाले बैजनाथ गाउँपालिका वडा न १ देखी ८ सम्म भिटामिन ए ६ हजार १ सय ९८ बालबालिका खुवाउने लक्ष्य रहेका राखेको छ भने ५ हजार ५ सय ४ जना बालबालिकाहरु लाई जुका को औषधि खावाउने लक्ष्य लिएको छ ।
परिवार कल्याण महाशाखाका अनुसार देशभरका २७ लाख बालबालिकालाई भिटामिन ए, ६ लाख बालबालिकालाई बालभिटा र २४ लाख बालबालिकालाई जुकाको औषधि खुवाइने छ।
