सुर्खेत ,कर्णाली प्रदेशको सत्ता संघर्षले नयाँ मोड लिएको छ । आइतवार १८ जना सदस्यले संसदीय दलका नेता तथा मुख्यमन्त्री महेन्द्र बहादुर शाहीविरुद्ध अविश्वास प्रस्ताव गरेपछि कर्णालीको राजनीति यतिबेला चर्चाको विषय बनेको छ ।
मुख्यमन्त्री शाहीले प्रमुख सचेतक गुलाबजंग शाहलाई हटाएर सचेतक सीता नेपाली नियुक्त गरेका छन् । यसअघि प्रमुख सचेतकका हैसियतमा शाहले नेकपा प्रदेशको संसदीय दलको बैठक मंगलवार दिनको १ बजे बोलाएका थिए ।
अब संसदीय दलको पूर्ण बैठक अन्योलमा पर्ने देखिएको छ । नवनियुक्त प्रमुख सचेतक नेपालीले संसदीय दलको बैठक मंगलवार नबस्ने जनाइसकिन् ।
