बाँके\बाँकेमा खोपको पहुँच नपुगेका ठाउँमा खोप अभियानलाई तीब्रता दिइएको छ । स्वास्थ्य कार्यालय बाँकेले खोप लगाउन छुटेका स्थानीय तहका टोल–टोलमा पुगेर खोप अभियान चलाइरहेको हो ।

बाँकेको नरैनापुर, बैजनाथ, राप्तीसोनारीमा विशेष गरेर अभियान सञ्चालन गरिरहेको स्वास्थ्य कार्यालय बाँकेका खोप फोकल पर्सन नरेश श्रेष्ठले बताए । जिल्लामा ८३ प्रतिशतले खोप लगाएका छन् । नलगाएकाहरूलाई टोलमै पुगेर खोप लगाउने गरिएको हो ।

यसरी खोप अभियानलाई सफल बनाउन स्थानीय वडाका स्वयंसेविका परिचालन गरिएको छ । स्वयंसेविकाको सहयोगमा खोप नलगाएकालाई सम्झाउने बुझाउने तथा खोपबाट छुटेकाको पहिचान गर्ने काम गरिएको छ ।