बाँके\ देशभर कोरोना भाइरस संक्रमित हुनेभन्दा संक्रमणमुक्त हुनेको संख्या दोब्बर रहेको छ ।
पछिल्लो २४ घण्टामा ३ हजार ६३७ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयको नियमित पत्रकार सम्मेलनमा प्रवक्ता डा. संगीता कौशल मिश्राले ११ हजार ५८२ जनामा परीक्षण गर्दा ३ हजार ६३७ संक्रमित पुष्टि भएका जानकारी दिइन् ।
संक्रमणमुक्त हुने संख्या ७ हजार ५५५ पुगेको उनले बताइन् । हालसम्म ८ लाख ७८ हजार ७२० जना संक्रमणमुक्त भएका छन् ।
मन्त्रालयका अनुसार सक्रिय संक्रमितको संख्या ६९ हजार २९१ रहेको छ ।
