बाँके\आइतबार बिहान देशभर मौसममा सामान्य बदली भएको छ। मौसम पूर्वानुमान महाशाखाका अनुसार लुम्बिनी प्रदेशका केही स्थानहरूमा मेघ गर्जन र चट्याङसहित हल्कादेखि मध्यम वर्षा भइरहेको जनाएको छ।

हाल नेपालको प्रदेश नम्बर १, मधेश प्रदेश, बागमती र गण्डकी प्रदेशका भूभागमा मनसुनी वायुको सामान्य प्रभाव रहेको माहाशाखाले जनाएको छ। अन्य प्रदेशका भूभागमा स्थानीय वायुको तथा भारतको उत्तध्र प्रदेश र विहारमा रहेको पूर्व पश्चिमी न्यून चापीय रेखाको प्रभाव रहेको विभागले जनाएको छ।

आइतबार दिउँसो तथा राति प्रदेश १, मधेश प्रदेश, बागमती प्रदेश र गण्डकी प्रदेशमा सामान्य बदली रहि अन्य प्रदेशको पहाडी भूभागमा आंशिकदेखि सामान्य बदलीको सम्भावना देखिएको महाशाखाले बताएको छ।