बाँके\ पूर्वराजा ज्ञानेन्द्र शाह शनिबार (आज) सुर्खेत जाने भएका छन्। प्रदेश राजधानी वीरेन्द्रनगरस्थित घण्टाघरमा आयोजना हुने अभिनन्दन कार्यक्रममा सहभागी हुन उनी सुर्खेत जाने भएका हुन्।
अहिले बाँकेको नेपालगञ्जमा रहेका उनी दिउँसो २ बजे प्लेन चार्टर गरेर वीरेन्द्रनगर आउने तयारी छ। कार्यक्रमको सम्पूर्ण तयारी भइसकेको राष्ट्रिय प्रजातन्त्र पार्टी (राप्रपा) सुर्खेतका अध्यक्ष कविराम पुरीले जानकारी दिए।
अभिनन्दन कार्यक्रमपश्चात् उनी देउती बज्यै मन्दिर र कालिका मन्दिरमा पूजापाठ गर्ने कार्यक्रम रहेको पुरीको भनाइ छ। पूर्वराजा शाहसहित पूर्वमहारानी कोमल, पूर्वयुवराज्ञी हिमानी शाह पनि अभिनन्दन कार्यक्रममा सहभागी हुनेछन्।
