कोहलपुर \कोहलपुर नगर प्याब्सनको आयोजनामा आधारभूत तह कक्षा ८ को प्याब्सन पूर्व तयारी परिक्षा संचालन गर्ने भएको छ ।
कोहलपुर नगर प्याब्सनमा आवद्धता विद्यालयहरु बाट कूल कक्षा ८ मा अध्ययनरक्त एक हजार १६ जना हरुले उक्त प्याब्सन पूर्व तयारी परिक्षा दिने कोहलपुर नगर प्याब्सनका अध्यक्ष रमेश केसीले जानकारी गराएका छन। ‘प्याब्सन पूर्व तयारी परिक्षाको उदेश्य हाम्रा विद्यार्थीहरुको क्षमता अभिबृद्धि तथा उहाँहरुको परिक्षाको नतिजा राम्रो होस् भन्ने हो ‘कोहलपुर नगर प्याब्सनका अध्यक्ष रमेश केसीले भने ।
आधारभूत तह कक्षा ८ को परिक्षा संचालन गर्नाका लागि आठ वटा केन्द्र तोकिएको कोहलपुर नगर प्याब्सनका सचिव मित्रलाल वलीले जानकारी गराए । मर्यादित परीक्षा संचालन गर्न र सम्पूर्ण परीक्षाको व्यवस्थापन गर्नाका लागि आठ वटै केन्द्रहरुमा केन्द्राध्यक्ष समेत तोकिएको वलीले जानकारी गराए । परिक्षा यही माघ ६ गते देखी माघ १५ गते सम्म संचालन गरिने छ ।
त्यसै गरी एसईई पूर्व तयारी परिक्षा माघ ६ गते देखी १५ गते सम्म संचालन गरिने कोहलपुर नगर प्याब्सनका अध्यक्ष रमेश केसीले
जानकारी गराएका छन । प्याब्सन एसईई २०८१ को पूर्व तयारी परिक्षामा कोहलपुर क्षेत्र बाट कूल ६ सय १८ जना विद्यार्थी सहभागिता हुने बताइएको छ । उक्त पूर्व तयारी परिक्षाको प्रश्नपत्र बनाउने कार्य भइरहेको कोहलपुर नगर प्याब्सनले जनाएको छ।
