समता स्कुल इटहरीका विद्यार्थीद्वारा रचित ‘मेरो स्कुल’ गीत सार्वजनिक

२० चैत्र २०८१, बिहीबार

गृहपृष्ठ

न्युज मानसराेवर

इटहरी । समता स्कुल इटहरीका विद्यार्थीहरूले विद्यालयको योगदान, शिक्षा प्रणाली, र समताका मूल्य–मान्यताहरूलाई उजागर गर्ने ‘मेरो स्कुल’ गीत तथा भिडियो सार्वजनिक गरेका छन्। विद्यालयले न्यून शुल्कमा गुणस्तरीय शिक्षा प्रदान गर्दै सबै कक्षाका विद्यार्थीहरूलाई समान अवसर दिएको सन्देश यस गीतमार्फत व्यक्त गरिएको छ।

प्रतिभाको सम्मानबाट गीत निर्माणसम्म

समता स्कुल पूर्वी कन्सोर्टियमको आयोजनामा हरेक वर्ष हुँदै आएको गायन प्रतियोगितामा उत्कृष्ट गायन प्रस्तुति दिएका अभिषेक खतिवडा (BUDDHA) को रचनालाई थप परिमार्जन गरी समता स्कुल इटहरीले यो गीत तथा भिडियो तयार पारेको हो। विद्यालयले विद्यार्थीहरूको प्रतिभालाई सम्मान गर्दै सिर्जनात्मक अवसरहरू सिर्जना गर्न निरन्तर लागिपरेको छ। यसमा समता स्कुल पूर्वी कन्सोर्टियमले आयोजना गर्ने विविध अन्तर विद्यालय प्रतियोगिताको पनि अहम भुमिका रहेकोछ।

गीत तथा भिडियो निर्माण टिम

गीत रचना: अभिषेक खतिवडा (BUDDHA)
गीत परिमार्जन: मनिष गिरी (NISH)
सङ्गीत, मिक्सिङ र मास्टरिङ: Young Shadow
स्टुडियो: Trap Lords Itahari
स्वर: अभिषेक खतिवडा (BUDDHA)
कोरस: मनिता राई, श्रीष्टिना राई, जेसिका कार्की, सृष्टिका थापा, मनिष गिरी
नृत्य कलाकार: क्रिस्टिना श्रेष्ठ, दिपिका भण्डारी, अनुष्का इस्बो लिम्बू
अन्य कलाकार: प्रह्लाद दाहाल, सुनिता दंगाल, लिला बस्नेत, नमिता कार्की
बाल कलाकार: आरुष बस्नेत, सान्वी श्रेष्ठ
कोरियोग्राफी: मनिष गिरी (NISH)
क्यामेरा/सम्पादन: भीम तामाङ
ड्रोन अपरेटर: दिनेश श्रेष्ठ
सिर्जनात्मक सल्लाहकार: मनिष गिरी, भीम तामाङ
स्क्रिप्ट तथा अवधारणा: सन्तोष श्रेष्ठ

विद्यालयको भूमिका र प्रतिबद्धता

समता स्कुल इटहरीले विद्यार्थीहरूको प्रतिभालाई उजागर गर्दै सिर्जनात्मक अभिव्यक्तिका लागि प्लेटफर्म उपलब्ध गराउँदै आएको छ। विद्यालयले सबै वर्गका विद्यार्थीहरूलाई समान अवसर दिने उद्देश्यसहित न्यून शुल्कमा गुणस्तरीय शिक्षा प्रदान गर्दै आएको छ। ‘मेरो स्कुल’ गीतले विद्यालयप्रति विद्यार्थीहरूको माया, गर्व, र आभार व्यक्त गरेको छ। साथै भिडियोमा विद्यालयका गतिविधि तथा विद्यार्थीहरुको अभिनय पनि उत्कृष्ट देख्न सकिन्छ।