बाँके\मध्यपश्चिम विश्वविद्यालय वागेश्वरी बहुमुखी क्याम्पस कोहलपुरमा विजया दशमी, शुभदिपावली र छठ पर्वको पावन अवसरमा क्याम्पसमा शुभकामना आदानप्रदान कार्यक्रम आयोजना गरेको छ ।
शुभकामना आदानप्रदान कार्यक्रम आफ्नो धारणा राख्दै क्याम्पस प्रमुख दान बहादुर हमालले क्याम्पसको बृहत्तर विकासको लागि सबैको साथ सहयोग हुने विश्वास व्यक्त गरे । उनले हाल विश्वविद्यालयको स्नातक तह बि एड, वि एस, वि ए सहित वि वि ए कार्यक्रमको लागि भर्ना अभियानमा सबै जुट्नु पर्ने बताए । हमालले कोहलपुरमा एउटा मात्र सरकारी आंगिक क्याम्पस भएकोले अभिभावकले बुझ्न् र प्राध्यापक कर्मचारीले बुझाउन आवश्यक उल्लेख गरे ।
कार्यक्रममा पुर्व क्याम्पस प्रमुखहरु खगराज पन्त, ध्रुब कुमार अधिकारी, शिशिर कुमार शर्मा, पुर्व सहायक क्याम्पस प्रमुखहरु सुशील अधिकारी, कृष्ण अधिकारी, विभागीय प्रमुखहरु एकराज शर्मा, ज्ञानेन्द्र शाही, खोपिराम वलि, अनुप शाही, प्रमोद सुवेदी लगायत प्राध्यापकहरु टेकेन्द्र कुमार महतरा, जीवन सिह राठौर, ललित चन्द, प्राध्यापक संघका सभापति राजकुमार चन्द लगायत प्रशासकिय अधिकृत वेदराज लम्साल, कर्मचारी संघका अध्यक्ष शिव प्रसाद रेग्मीको उपस्थिति रहेको थियो ।
साथै विभिन्न वैचारिक संघ संघठनका सभापति एवम् अध्यक्षहरुले सहभागिता जनाएका थिए । कार्यक्रमको आयोजना प्राध्यापक संघ र क्याम्पस प्रशासन संयुक्त आयोजनामा गरिएको थियो ।
