बाँके\राष्ट्रिय परीक्षा बोर्डले २०७९ को माध्यमिक शिक्षा परीक्षा (एसईई) परीक्षा चैत दोस्रो सातादेखि सञ्चालन गर्ने तयारी गरेको छ।
परीक्षा नियन्त्रण कार्यालय (कक्षा १०) ले शैक्षिक सत्र २०७९को बार्षिक कार्यतालिका सार्वजनिक गर्दै यस बर्षको एसईई परीक्षा र नतिजा प्रकाशनको तालिका सार्वजनिक गरेको हो। कार्यतालिका अनुसार परीक्षा चैत दोस्रो हप्तादेखि सञ्चालन गर्ने र नतिजा २०८० असार तेस्रो हप्तादेखि सार्वजनिक गर्ने जनाएको छ।
१० को परीक्षाको लागि प्रदेशले आवेदन फाराम छपाई र वितरण कार्तिक मसान्तसम्म गर्ने, मंसिर मसान्तसम्म सम्बन्धित जिल्लाले आवेदन फाराम भराउने र गत वर्षको रजिष्ट्रेसन तथा यस वर्षको आवेदन फाराम पुष मसान्तसम्म भरिसक्नुपर्नेछ।
राष्ट्रिय परीक्षा बोर्ड पनिका कक्षा १० ले माघ पहिलो हप्ता परीक्षाको समय तालिका प्रकाशन गर्ने, जिल्ला तथा प्रदेश र बोर्डले माघ मसान्तसम्म परीक्षा केन्द्र निर्धारण गर्ने, सिम्बोल नम्बर कायम गर्ने, फागुन दोस्रो हप्तासम्म परीक्षा केन्द्र इन्ट्री र रुजु गर्ने कार्यतालिकामा उल्लेख छ।
यसका साथै फागुन मसान्तसम्म सम्बन्धित जिल्लाले प्रयोगात्मक परीक्षाको अंक र अयोग्य विवरण पठाउने बोर्डले जनाएको छ।
