बाँके\नेपालको भोकमरी, गरिबी निवारण र पशुपालन क्षेत्रमा विगत ६५ वर्षदेखि काम गरिरहेको अन्तर्राष्ट्रिय मानवीय संस्था हेफर इन्टरनेशनल नेपालको राष्ट्रिय निर्देशकमा डा‍। तीर्थराज रेग्मी नियुक्त भएका छन।

गत जेठ १८ गतेदेखि लानुहुने हेफर इन्टरनेशनलले डा. रेग्मीलाई राष्ट्रिय निर्देशकमा नियुक्त गरेको हो ।

सरकारी जागिर छाडेर २० वर्षअघि हेफर इन्टरनेशनल नेपालको क्षेत्रीय कार्यक्रम संयोजकमा काम गरेका रेग्मी ५ महिना अन्तरिम राष्ट्रिय निर्देशक हुँदै प्रमुख  भएका हुन। डा. रेग्मी सँग ग्रामीण तहमा किसान सँग काम गरेको लामो अनुभव रहेको छ ।

नेपालको गरिबी निवारण र कृषि क्षेत्रमा आत्मनिर्भर हुँदै नेपाल सरकारले लिएका लक्ष्य भेटाउन लागि सहयोगी निकाय हुने डा. रेग्मीले बताएका छन। उनले  नेपाल दूध र मासुमा आत्मनिर्भर भएको र अबका दिनमा साना तथा सीमान्तकृत किसानको क्षमता विकासमा साना किसान मुखी नीतिमा पैरवी गरिने  समेत बताए ।

हेफर इन्टरनेशनल नेपालले अहिले अदुवा बेसार जस्ता मसलाजन्य बालीको उत्पादन र प्रशोधनमा काम समेत गर्दै आएको छ । नेपालको गरिबी निवारणका लागि साना किसान लक्षित कार्यक्रमलाई अझै प्रभावकारी बनाइने लक्ष्य छ ।  १२५ देशका करिब पौन चार करोड परिवारमा सँग हेफर इन्टरनेशनल संस्था जोडिएको छ ।