बाँके \ कोहलपुर स्थित समता स्कुलले आँखा शिविर सम्पन्न गरेको छ । कौशिल्या अस्पताको प्राविधि सहयोग तथा समता स्कुलको आयोजनामा उक्त आँखा शिविरको आयोजना गरिएको थियो ।

कौशिल्या अस्पतालका संचालक राम न्यौपानेले  समता स्कुल र अस्पताल  विचको समन्ययनमा गत वर्ष समेत आँखा शिविर गरिएको बताए ।  उनले समता स्कुलका अभिभावक तथा विद्यार्थीहरुको उपचारमा अस्पताल प्रशासनले २५ प्रतिशत छुट दिने समेत औपचारिक घोषणा गरे। २०७३ सालमा  स्थापना गरिएको समता स्कुलले न्यूनतम तथा सम्मान शुल्कमा अध्यापन गराउदै आइरहेको छ ।

स्कुलको  बार्षिक कार्य योजना अनुरुप आखाँ शिविरको आयोजना गरिएको  समता स्कुल कोहलपुरका संचालक रबि रोकायाले बताए । रोकायाले अस्पताल प्रशासनलाई धन्यवाद दिदै आगामी दिनहरुमा समेत आवश्यक समन्वय र सहकार्य गरिने विश्वास व्यक्त गरेका छन। उक्त आँखा शिविरमा १ सय ६० जनाले निशुल्क सेवा प्राप्त गरेका छन।  आँखा विशेषज्ञ डा निरज काफ्लेको टोलिले शिविरमा सहजीकरण गरेका  थिए ।