राप्तिसोनारी:बाँकेको राप्तिसोनारीवाट प्रहरीले दुईनाल भरुवा वन्दुक बरामद गरेको छ । राप्ति सोनारी ४ वाट चोरी शिकार गर्ने शिकारीले प्रयोग गर्ने अबैध हतियार प्रहरीले वरामद गरेको जनाएको हो ।

धामपुर प्रहरीले गस्तिका क्रममा राप्तिसोनारी वडा नं. ४ पर्ने जंगलको विचमा रुखमुनि लुकाईराखेको अवस्थामा दुई नाले भरुवा बन्दुक र वन्दुकमा प्रयोग हुने घरेलु प्रविधिका गोलि, छर्रा, बारुद, र सरियाका गोलि समेत प्रहरीले फेला पारेको प्रहरी स्रोतले जनाएको छ ।

यस अघि समेत यस क्षेत्रबाट घरेलु हतियार तथा भरुवा वन्दुक वरामद हुदै आएका छन । नजिकै वन तथा निकुञ्ज क्षेत्र पर्ने भएकाले वेला वेला शिकारीहरु जंगलवाट वन्य जन्तु संग पक्राउ पर्ने गरेका छन ।