बाँके\बाँकेमा लागूऔषधसहित दुई जना पक्राउ परेका छन् । नेपालगन्ज उपमहानगरपालिका–१३ लालपुरबाट कोहलपुर नगरपालिका– २ मनकामना बस्ने २६ वर्षीय शुभम अधिकारी र कोहलपुर नगरपालिका–१ कौशिलानगर बस्ने २६ वर्षकै किरण राना मगरलाई प्रहरीले पक्राउ गरेको हो ।

शुभमले चलाएको भे ११ प ६७६५ नम्बरको स्कुटीको पछाडि बसेका किरणको गोजीबाट १ ग्राम ०४ मिलिग्राम ब्राउनसुगर बरामद गरेको बाँकेका प्रहरी प्रवक्ता प्रहरी नायब उपरीक्षक डीएसपी आयुष जोशीले जानकारी दिए । पक्राउ परेका दुवैलाई हिरासतमा राखेर अनुसन्धान सुरु गरिएको प्रहरीले जनाएको छ ।