बाँके\नेपाल रेडक्रस सोसाइटीको कोहलपुर उप शाखाको छैटौं अधिवेशनबाट संजय कुमार पन्तको नेतृत्वमा नयाँ कार्य समिति निर्वाचित भएको छ ।
नेपाल रेडक्रस सोसाइटीको कोहलपुर उप शाखाको छैटौं अधिवेशनबाट सभापति पन्त लगाएत सबै पदहरुमा निरविरोध नयाँ कार्य समिति चयन भएको निर्वाचन अधिकृत तेज बहादुर सुवेदी न्यूज मानसरोबलाई जानकारी गराए ।
त्यसै गरी उप शाखा कोहलपुरको उप सभापति पवित्रा ढकाल सचिव ठाकुर भूसाल कोषाध्यक्ष नारायण सिग्देल , उप सचिव रुद्धमणी न्यौपाने उप कोषाध्यक्ष मोति प्रसाद भूसाल महिला सदस्य प्रेमा शाही , त्यसै गरी सदस्यहरुमा भोलानाथ शर्मा देवसिंह राना ,छविलाल पाण्डे , हेम कुमार रावत निर्वाचित भएका छन।
शाखाका तत्कालिन सभापति दिनेश सिग्देल , संरक्षक तथा पूर्व सभापति नारायण प्रसाद गौडेलले निर्वाचित पदाधिकारीहरुलाई प्रमाणपत्र हस्तान्तरण गरे।त्यसै गरी निर्वाचित पदाधिकारीहरुलाई प्रमुख निर्वाचन अधिकृत तेज बहादुर सुवेदीले पद तथा गोपनियताको शपथ गराएका थिए ।
