बैजनाथ ।बाँके जिल्लाको प्रहरी प्रमुखकाका रुपमा ओमबहादुर राना आए संगै अपराध र अपारधी नियन्त्रणमा बाँके जिल्ला अगाडी देखिएको छ ।
लुम्बिनी प्रदेश प्रहरीले केही दिनअघि अपराध सम्बन्धी सार्वजनिक गरेको प्रतिवेदन सहितको रिपोर्टका आधारमा बाँके अपराध र अपारधी नियन्त्रणमा सबैभन्दा अगाडी देखिएको हो । लुम्बिनी प्रदेशका १२ जिल्ला मध्य बाँके प्रहरीको सक्रियतामा सबैभन्दा अगाडी देखिएको छ ।
एसपी ओमबहादुर राना सरुवा भएर बाँके आएपछि बाँके प्रहरी थप सक्रिय भुमिकामा देखिएको छ । एसपी राना नेपालगञ्जमा आएपछि छोटो समयमै उनले धेरै फरार अपराधीलाई पक्राउ गरि नियन्त्रणमा लिन सफल भएका छन् । फैसला कार्यान्वयनमा बाँके प्रहरी प्रदेश अन्तगर्तका जिल्ला सर्वोकृष्ट देखिएको छ । एसपी रानाको नेतृत्वमा लुम्बिनी प्रदेशका जिल्लामा ५ सय २० जना फरार कसुरदार पक्राउ परेका छन् । जसमा तीन सय १५ जना बाँके प्रहरीले पक्राउ गरेका छ ।
बाँके प्रहरीले चालू आर्थिक बर्षको चार महिनामा ३ सय १५ जना फरार कसुरदार पक्राउ गरि अदालतको आदेशमा कारागार पठाएको एसपी रानाले बताए । फैसला कार्यान्वयनमा जिल्ला प्रहरी कार्यालय बर्दिया दोस्रो भएको छ । बर्दिया प्रहरीले ३९ जना फरार कसुरदारलाई पक्राउ गरि कारागार पठाएको छ । दाङ प्रहरीले २४ कपिलबस्तु प्रहरीले ३२, नवलपरासी प्रहरीले २७ जना फरार कसुरदारलाई पक्राउ गरि कैद भुक्तानका लागि कारागार पठाएको छ । रुकुम पूर्वले १८, पाल्पा प्रहरीले २२, अर्घाखाँचीले १३, गुल्मी र रोल्पा प्रहरीले १०–१०, प्यूठानले ७ र रुपन्देहीले ३ जना फरार कसुरदारलाई पक्राउ गरि अदालतमा बुझाएको प्रदेश प्रहरीको रेकर्डमा उल्लेख छ ।
प्रहरीले चालू आवमा चोरी अभियोगमा अदालतबाट सजाय तोकिएपछि फरार भएका ५५ जना कसुरदारलाई पक्राउ गरेको छ । कुटपिटका ३९ र कुटपिट–लुटपिटका ३७ जना फरार कसुरदारलाई पक्राउ गरेको छ । सम्बन्ध विच्छेदका ३१, लागूऔषध दुब्र्यसन सम्बन्धि २७, जुवातास ३० र सवारी ज्यान सम्बन्धि कसुरमा सजाय तोकिएर फरार रहेका २२ जनालाई पनि पक्राउ गरिएको छ ।
जुवातास मुद्धामा सजाय पाएका ३०, गाली बेइजतीका १९, बहुविवाह, जवरजस्ती करणीका १७–१७, लेनदेन १४, लुटपाट तथा केहि सार्वजनिक अपराध मुद्धाका १३–१३ जना कसुरदारलाई पनि पक्राउ गरिएको छ । कर्तब्य ज्यान सम्बन्धि मुद्धामा सजाय पाएका १२ जना कसुरदारलाई पक्राउ गरि कारागार चलान गरिएको रेकर्डमा छ ।
