बाँके बैजनाथ \सडक दुर्घटनामा परि कोहोलपुर उद्योग वाणिज्य संघका अध्यक्ष चक्र अधिकारी घाईते भएका छन् ।

वगनाशकाली गाउँपालिका–३, बेलउतीडाँडा पाल्पामा आज भएको कार दुर्घटनामा परि अधिकारी लगायत रोल्पा उद्योग वाणिज्य संघका पूर्व अध्यक्ष किशोर आचार्य घाईते भएका हुन् ।

रोल्पाबाट पोखरातर्फ गईरहेको बा १८ च ४३४१ नम्बरको कार दुर्घटना हुँदा अधिकारी र आचार्यको घाईते भएका हुन् । नेपाल उद्योग वाणिज्य महासंघको चुनाव प्रचारप्रसारमा हिँडेका अधिकारी र आचार्य घाईते भई लुम्बिनी मेडिकल कलेज प्रभासमा उपचारका लागि लगिएको बताईएको छ ।

गुल्मीको तम्घासबाट फर्केर उनीहरु तानसेनबाट पोखरा जाँदै गर्दा दुर्घटनामा परेका हुन् ।  उनीहरु दुवै जना नेपाल उद्योग वाणिज्य महासंघको केन्द्रीय सदस्य पदमा उम्मेदवारी दिने क्रममा रहेको बुझिएको छ । कार सडकबाट १५० मिटर तल खसेको थियो । यसै गरी उनको स्वास्थ्य लाभको कामना विभिन्न संघ सगठन तथा समाजसेवि राजनितिज्ञ पत्रकार व्यपारी लगाएत सामाजिक सञ्जालमा कामना गरेका छन् ।  अधिकारीले कोहलपुरमा सामाजिक तथा शिक्षा क्षेत्रको विकासमा विशेष योग्दान रहेको छ ।