बाँके बैजनाथ । भूमि सम्बन्धि समस्या समाधान गर्न बाँकेका ६ वटा स्थानीय तह संग आइतबार आयोगले कार्य सम्झौतामा हस्ताक्षर गरेको छ ।
भूमि सम्बन्धी समस्या समाधान आयोगले लुम्बिनी प्रदेशका कूल ३३ वटा स्थानीय तह सँग कार्यसम्झौता गरेको हो ।
३३ वटा स्थानीय तह मध्य बाँकेमा बैजनाथ गाउँपालिका,कोहलपुर नगरपालिका,नरैनापुर गाउँपालिका ,खजुरा गाउँपालिका ,राप्ती सोनारी गाउँपालिका ,जानकी गाउँपालिका संग कार्य सम्झौता गरिएको बैजनाथ गाउँपालिका प्रमुख प्रशासकीय अधिकृत दान बहादुर एडीले जानकारी गराए ।
सम्झौता गरिएका लुम्बिनी प्रदेशका स्थानीय तह मध्य ३ उपमहानगर ,नगरपालिका र गाउँपालिका गरी कूल ३३ वटा छन् ।
भूमि सम्बन्धी समस्या समाधान गर्न स्थानीय तहलाई ६ महिनाको महत्वपूर्ण जिम्मेवारी दिएको छ ‘ प्रमुख प्रशासकीय अधिकृत दान बहादुर एडी भने ‘।
६ महिनाको अवधिमा अव्यवस्थित बसोबासको तथ्याङक, एैलानी जमिनको तथ्याङक लिने संझौतापत्रमा उल्लेख गरिएको छ ।
संझौतापत्रमा जेठ दोस्रो साता प्रत्यक स्थानीय तहले सम्बन्धित जिल्ला समन्वय समितिमा आफ्नो स्थानीय तहको सम्पूर्ण विवरण बुझाउनु पर्ने छ ,अनी सम्भवत असारमा भूमि सम्बन्धी समस्या समाधान आयोगले लालपुर्जा वितरण गर्ने आशा छ ,बैजनाथ गाउँपालिका अध्यक्ष मान बहादुर रुचाल हर्षित हुदै भने ।
