१५ चैत्र २०८०, बिहीबार

बैजनाथ गाउँपालिका वडा नं.१ गाभरमा चक्रपथ निर्माण गरिने
  • न्युज मानसराेवर

बैजनाथ \बाँकेको प्रमुख पर्यटकीय क्षेत्रको रूपमा रहेको बैजनाथ गाउँपालिका वडा नं.१ स्थित गाभरको सौन्दर्य अवलोकनका लागि चक्रपथ निर्माण गरिने भएको छ। बैजनाथ गाउँपालिका १ का वडा अध्यक्ष रूपबहादुर मल्लले गाभर उपत्यकालाई चारैतिरबाट समेट्ने गरी करिब १० किलोमिटर चक्रपथ निर्माण कार्य अघि बढेको जानकारी दिए ।

“करिब २ किलोमिटर क्षेत्रमा ट्र्याक निर्माणको काम मात्रै बाँकी छ”, वडा अध्यक्ष मल्लले भने– “ट्र्याक खोल्ने काम र सडक निर्माणको काम फेरी अघि बढ्दै छ ।” सहरी विकास तथा भवन कार्यालय नेपालगन्जमा अनुसार सोही सडक निर्माण कार्य अघि बढाउन लुम्बिनी प्रदेश सरकारबाट चालु आर्थिक वर्ष २०७९–८० मा एक करोड रुपियाँ बजेट छुट्टाइएको छ ।

सडक निर्माण कार्य सम्पन्न भएपछि पदयात्राका लागि समेत महत्त्वपूर्ण कदम हुने स्थानीय बासिन्दाले जनाएका छन् । गाभरमा रहेको लायन्स पार्क तथा होमस्टे र गाभर उपत्यका पछिल्लो समय बाँके, बर्दिया र सुर्खेत लगायतका जिल्लाको प्रमुख पर्यटकीय क्षेत्रको रूपमा परिचित रहेको छ ।

लुम्बिनी प्रदेश बाँके क्षेत्र नम्बर ३(१)का सांसद रत्न खत्रीले गाभर उपत्यकालाई प्रदेशकै उत्कृष्ट पर्यटकीय क्षेत्रको रूपमा विकास गर्न प्रदेश सरकारले प्राथमिकता दिने विश्वास व्यक्त गरे ।

उनले चक्रपथ निर्माण बाँके राष्ट्रिय निकुञ्जको मध्यवर्ती क्षेत्रमा केही भाग पर्ने भएकाले निकुञ्जसँग समन्वयको काम अघि बढाइएको जानकारी दिए । कोहलपुर नजिकै पर्ने भए पनि चारैतिरबाट जङ्गल र स–साना पहाडले घेरिएको गाभर रमणीय स्थानको रूपमा रहेको छ ।

  • १४ माघ २०७९, शनिबार प्रकाशित

  • Nabintech