नेपालगञ्ज : बाँके प्रहरीले ब्राउनसुगरसहित तीन जनालाई पक्राउ गरेको छ। लागूऔषध नियन्त्रण ब्यूरो र जिल्ला प्रहरी कार्यालयको टोलीले पुष्पलालचोकबाट एक सय ५० ग्राम ब्राउनसुगरसहित नेपालगञ्ज–२२ का राजेन्द्रकुमार गोडिया, नेपालगञ्ज–५ का यमुजीव खान र नेपालगञ्ज–८ का मोहिद अन्सारीलाई पक्राउ गरेको हो।

गोडियाले डोर्याएको साइकलको ह्याण्डलमा झुन्ड्याएको प्लास्टिकभित्र टिफिनको बट्टामा ब्राउनसुगर राखिएको थियो। प्रहरीले नेपालगञ्जमा कारोबार गर्न ब्राउनसुगर ल्याएको आशंका गर्दै किनबेचमा संलग्नहरुको खोजी गरिरहेको जनाएको छ।