कोहलपुर\कोहलपुर नगरपालिकाको आयोजना, नगर खेलकुद विकास समिति कोहलपुरको संचालन तथा व्यवस्थापनमा आठौं मेयर कप तथा सत्रौं राष्ट्रपति रनिङ शिल्ड खेलकुद प्रतियोगिता भोलि बुधवारदेखि कोहलपुर १ मा रहेको कृष्ण मा.वि,को खेल मैदानमा संचालन गरिने भएको छ । 
आठौं मेयर कप तथा सत्रौं राष्ट्रपति रनिङ शिल्ड खेलकुद प्रतियोगिता कूल चार विधाका खेलहरु मुख्य गरी एथलेटिक्स, भलिवल, कवडि र मार्शल आर्टका खेलहरु हुने बताइएको छ । मुख्य गरी नयाँ खेलमा बुद्धिचाल समावेश गरिएको आयोजकले जनाएको छ ।
त्यसै गरी प्रतियोगितामा प्रथम हुनेलाई ७५ हजार, द्धितिय हुनेलाई ६५ हजार र तृतिय हुनेलाई ५५ हजारकासाथै उत्कृष्ठ खेलाडिलाई ५१ हजार नगद सहित पुरष्किृत गरिने जनाएका छन ।
त्यसैगरि आवितर्फ प्रथम, द्धितिय र तृतियले क्रमश २५ हजार, २० हजार र १५ हजार प्राप्त गर्नेछन । मावितर्फ १३ सामुदायिक र २७ संस्थगत लगरि कुल ४० विद्यालयको सहभागिता रहनेछ भने आवि तर्फ ८ सामुदायिक र ५ संस्थागत गरि जम्मा १३ विद्यालयहरुले सहभागिता जनाउनेछन ।प्रतियोगितामा कूल २ हजार १ सय सतसठ्ठि जनाले सहभागिता जनाउने आयोजकको दावि रहेको छ ।
प्रतियोगिता बारे आज पत्रकार सम्मेलन गर्दै सामाजिक विकास समिति संयोजक ईशवरी प्रसाद विश्वकर्माले उक्त जानकारी गराएका हुन।
