स्मार्टफोन र ट्याब्लेटहरूको अत्यधिक प्रयोगका कारण बालबालिका मानसिक रूपमा बिरामी भइरहेको विशेषज्ञहरूले चेतावनी दिएका छन् ।

सान डीएगो स्टेट विश्वविद्यालय र जर्जिया विश्वविद्यालयका वैज्ञानिकहरूले गरेको अनुसन्धानमा दिनको दुई घन्टाभन्दा बढी स्मार्टफोन चलाउने बच्चालाई सुत्न समस्या हुने र तनावको शिकार हुने पत्ता लागेको छ ।

प्राध्यापक जीन टवेन्ज र कीथ क्याम्पवेलले आधाभन्दा बढी मानसिक रोगको शिकार किशोर भएको बताए । अनुुन्धानकर्ताहरूले चिन्ता व्यक्त गर्दै स्मार्टफोन वा अन्य ग्याजेट्सका साथसाथै अन्य कारण पनि बुझेर बालबालिकालाई
मानसिक रोगी हुनबाट बचाउनुपर्ने बताए ।

बालबालिकालाई अन्य खेलमा रुचि उत्पन्न गराउनुपर्ने उनीहरूको भनाइ छ । अन्लाइन र टेलिभिजनमा बिताउने समय व्यापकर कटौती गर्न पनि वैज्ञानिकहरूले अभिभावकहरूलाई सल्लाह दिएका छन् । उनीहरूको ध्यान पढाइ र
खेलकुदमा आकर्षिक गर्न पर्ने वैज्ञानिकहरूको भनाइ छ ।

बालबालिकाले एक घन्टा र किशोरकिशोरीले दुई घन्टा भन्दा बढी स्मार्टफोनको स्क्रीन हेर्न नहुने वैज्ञानिकहरूले सल्लाह दिएका छन् ।