बाँके\सन् २०२२ को फेब्रुअरीमा नेपाल आउने पर्यटकको संख्या ११६ प्रतिशतले बढेको छ । २०२१ को फेब्रुअरीमा कुल ९ हजार १४६ जना पर्यटक नेपाल आएकोमा २०२२ को सोही अवधिमा १९ हजार ७६६ जना पर्यटक नेपाल आएको अध्यागमन विभागको तथ्याङ्क छ ।
भारतबाट सर्वाधिक ५ हजार ९९८ जना पर्यटक नेपाल आउँदा सबैभन्दा कम चाइनेज ताइपेईबाट १४ जना मात्रै पर्यटक नेपाल आएका छन् ।
२०२१ को फेब्रुअरीमा ७०८ जना चिनियाँ पर्यटक नेपाल आएकोमा २०२२ मा भने २०५ जना चिनियाँ पर्यटक मात्रै नेपाल आएका छन् । जुन गत वर्षको तुलनामा ७१ प्रतिशत कम हो ।
दक्षिण एशियाली मुलुकबाट ७ हजार २६२ जना, अन्य एशियाली देशबाट ९५३ जना, यूरोपबाट ४ हजार ८१३ जना, ओशियानाबाट १ हजार ७३ जना,अमेरिकी मुलुकबाट ३ हजार ६१४ जना अन्य देशबाट २ हजार ५१ जना पर्यटक नेपाल आएको अध्यागमन विभागको तथ्याङ्क छ ।
