बाँके\अर्को साताबाट राजधानीमा सुरु हुने नेपाल टी-ट्वान्टी लिगका लागि लुम्बिनी अल स्टारले इंग्ल्याण्डका पिटर ट्रेगोलाई मुख्य प्रशिक्षकमा नियुक्त गरेको छ। शनिबार लुम्बिनीले इंग्ल्याण्डका पिटरलाई मुख्य प्रशिक्षकमा नियुक्त गरेको जनाएको हो। पहिलो संस्करणको नेपाल टी-ट्वान्टी लिग आगामी ८ गतेबाट सुरु हुनेछ।
लुम्बिनीको पहिलो खेल ८ गते नै फार वेस्टर्न युनाईटेडसँग रहेको छ। दीपेन्द्र सिंह ऐरी लुम्बिनीको मार्की खेलाडी रहेका छन्।
लुम्बिनीमा ऐरीका अलावा कुशल भुर्तेल, सागर ढकाल, अनिल कुमार शाह, गुल्सन झा, किशोर महतो, तिलक राज भण्डारी,योगेन्द्र सिंह कार्की, सुनिल धमला, इशान पाण्डे तथा आकाश चन्द रहेका छन् । कीर्तिपुरस्थित टियु मैदानमा ६ टोली सहभागी प्रतियोगिता डबल राउण्ड रोविनको आधारमा हुनेछ।
