महासंघका केन्द्रीय अध्यक्ष विपुल पोखरेल, उपाध्यक्ष उदय जिएम, महासचिव रोशन पुरी, लेखा समिति अध्यक्ष लेखनाथ न्यौपानेसहितका महासंघका नेताहरूको प्रदेश भएकाले यहाँको सदस्यता शुद्धीकरण पेचिलो बनेको हो ।

दाङ शाखाबाट केन्द्रीय उपाध्यक्ष जिएम, जिल्ला अध्यक्ष दुर्गालाल केसीसहित कार्यसमितिकै ८ जनाको नवीकरण नगर्ने सूचिमा परेपछि चर्चामा रहेका छ । लुम्बिनीमा सबैभन्दा धेरै सदस्य कटौती गरेको दाङ नै रहेको छ ।

पत्रकार महासंघका महासचिव रोशन पुरीले महासंघलाई पत्रकारहरूकै संस्था बनाउन यो अभियान सञ्चालन गरिएको बताए । उनले यसअघि लामो समय पत्रकारिता गरेका तर अहिले सक्रिय नरहेका अग्रजहरूलाई मानार्थ सदस्यता दिएर सम्मान साथ राखिने, अन्य पेशासँगै पत्रकारितामा पनि जोडिनेलाई विद्यार्थी पत्रकारिताको रूपमा जोड्न सकिने गरी सोच बनाइएको र क्रियाशील पत्रकार र काम गर्ने पत्रकारहरूलाई मात्र महासंघमा क्रियाशील गराइने बताए ।

शुद्धीकरणले कुनै पत्रकारलाई अन्याय हुनेछैन, जसले मुख्य पेशा जे बनायो उसैमा आबद्ध बनाऊ भन्नु न्यायोचित हो, यसअघिको योगदानलाई सम्मान गरेर अग्रजहरूलाई राखिन्छ र नयाँ जोडिनेलाई पनि कुनै मापदण्ड बनाएर राखिन्छ, विश्वका धेरै देशमा यस्तो प्रयोग भएको छ’ उनले भने ।