चितवन:चितवनको इच्छाकामना गाउँपालिका–६ जलबिरेमा रोकिरहेको ट्रकमा बस ठोक्किँदा एक जनाको मृत्यु भएको छ। दुर्घटनामा अन्य चार जना यात्रु घाइते भएका छन्। मृतक र घाइते सबै भारतीय नागरिक भएका जिल्ला प्रहरी कार्यालय चितवनका एसपी भावेश रिमालले जानकारी दिए।

‘टायर पञ्चर भएर रोकिरहेको ट्रकमा गएराति बस ठोक्किँदा दुर्घटना भएको हो,’ एसपी रिमालले नेपालखबरसँग भने, ‘मृतक र घाइते सबै भारतीय नागरिक हुन्।’ दुर्घटनामा ज्यान गुमाउनेमा भारत मोतिहारी जिल्ला चम्पारण बस्ने अन्दाजी ३७ वर्षीय गौरी दास रहेका प्रहरीले जनाएको छ।

रौतहटको गौरबाट पोखरातर्फ जाँदै गरेको ग१ख ८५२४ नम्बरको बस सडक किनारमा रोकिराखेको ना६ख ३२८० नम्बरको ट्रकमा ठोक्किएको हो।