कोहलपुर,बाँके:रुकुम जिल्लाबाट बाँके जिल्लामा बसाइ सराइ गरेका रुकुमेलीहरुको साझा संस्था रुकुमेली सेवा समाज बाँकेले होली मिलन कार्यक्रम सम्पन्न गरेको छ । बार्षिक कार्य योजना अनुसार आईतवार कोहलपुर ११ गोलपार्कमा विशेष कार्यक्रमका साथ होली मिलन तथा शुभ कामना आदान प्रदान कार्यक्रम सम्पन्न गरेको रुकमेलि सेवा समाजले जनाएको छ ।
कोहलपुर नगर कार्यसमितिका कार्यबहाक अध्यक्ष लक्ष्मी बिष्टको अध्यक्षता आयोजित कार्यक्रममा रुकुमेली सेवा समाज बाँकेका अध्यक्ष बासुदेव गौतम, कोहलपुर नगर पालिका वडा नं,१२का वडा अध्यक्ष बीरेन्द्र कुमार शाह लगाएतले होली पर्वका बारे चर्चा गर्दै शुभ-कामना मन्तब्य समेत ब्यक्त गरेका थिए ।
समाजमा आबद्ध सदस्यहरुले एक आपसमा रङ्ग लगाउदै शुभ कामना आदान प्रदान गरेको कार्यक्रममा कोहलपुर नगर समितिका पदाधिकारी, रुकुमेली महानुभाव र जिल्ला कार्य समितीका कोषाध्यक्ष अमृता शाह, सह कोषाध्यक्ष रुद्र देवकोटा सास्कृतिक तथा बिपद ब्यबस्थापन संयोजक डिल्ली चन्दको समेत उपस्थिती रहेको थियो ।
कार्यक्रमको समापन गर्दै कार्यबहाक अध्यक्ष लक्ष्मी बिष्टले आपसि मेलमिलाप,सदभाव र आत्मियताको सन्देश दिने होली पर्वले भाईचाराको समवन्ध प्रगाढ पार्नेमा विश्वास ब्यक्त गर्दै उपस्थित समाजका सदस्यहरुलाई शुभ-कामना तथा धन्यबाद ब्यक्त गरेको कार्यक्रमको सञ्चालन भने रुकुमेली सेवा समाज बाँकेका सचिव चिन्ताराम शर्माले गरेका थिय।
