कोहलपुर,बाँके: बाँकेको कोहलपुर भएर बग्ने सिक्टा नहरमा एकजना मृत फेला परेका छन । प्रहरीका अनुसार कोहलपुर नगरपालिका वडा नं.४ र १५ को विचमा पर्ने बिच नहरमा कोहलपुर १५ पेडारी वस्ने बर्ष ४४ का वीर वहादुर थारुको मृत्यु भएको हो । मृतकको शवलाई प्रहरीले नहरवाट निकालि पोष्टमार्टमका लागि भेरी अस्पताल पठाएको छ भने उनको मृत्यु पानीमा डुबेर भएको वा अन्य कारणले भन्नेवारे प्रहरीले अनुसन्धान अगाडि बढाएको छ ।

प्रारम्भिक अनुसन्धानमा उनी डुबेरै मृत्यु भएको हुनसक्ने भन्दै प्रहरीले मृत्युको कारण भने पोष्टमार्टम रिर्पोटपछि खुल्ने वताएको छ । पछिल्लो समय कोहलपुर आसपास क्षेत्रमा अत्याधिक गर्मि हुने र गर्मि छल्न भन्दै सिक्टा नहरमा पौडि खेल्न जानेहरुको संख्या बढेसंगै जोखिम समेत बढेको छ । निरन्तर बर्षापछि सिक्टाको मुख्यद्धार अगैयामा पानीको सतह बढेसंगै नहरमा समेत पानी भरिएर आउने र मानिसहरुलाई डुवाउन सक्ने भन्दै सतर्कता अपनाउन कोहलपुर प्रहरीले आम नागरिकहरुलाई अपिल समेत गरेको छ ।