काठमाण्डौ:चलचित्र विकास बोर्डको अध्यक्षमा दिनेशराज दाहाल (दिनेश डिसी) नियुक्त भएका छन । मन्त्रीपरिषद्को बिहीबारको बैठकले उनलाई बोर्ड अध्यक्षमा नियुक्त गरेको हो । अध्यक्ष पदका लागि सञ्चार तथा सूचना प्रविधि मन्त्रालयले मागेको आवेदनमा छ जनाले आवेदन गरेका थिए । तीमध्ये तीन जनाको नाम सिफारिस भएको थियो ।

चलचित्र निर्देशक, अभिनेता तथा सञ्चारकर्मी डिसी सत्तारूढ नेकपा एमाले निकट जनपक्षीय चलचित्रकर्मी सङ्घको अध्यक्षसमेत हुन । डिसीले सन् १९९७ मा प्रदर्शन भएको चलचित्र ‘सुनचाँदी’ बाट अभिनय सुरु गरेका थिए। पछिल्लो पटक उनले चलचित्र ‘फुलैफूलको मौसम तिमीलाई’ निर्देशन गरेका थिए ।