कोहलपुर,बाँके: बाँकेको कोहलपुरमा मोटरसाइकल दुर्घटनामा परि एक जनाको मृत्यु भएको छ । सोही दुर्घटनामा परी एक जना घाइते भएका छन्। आज शनिबार बिहान करिब ३ ३० बजेको समयमा कोहलपुर नगरपालिका वडा नम्बर ११ कौशिल्या अस्पताल नजिकै मोटरसाइकल  दुर्घटना हुदा दुर्घटनामा परी मोटरसाइकल चालक कोहलपुर नगरपालिका वडा नम्बर १० डाइनामिक स्कुल नजिकै बस्ने वर्ष अन्दाजी ३८ का भुपेन्द्र सुनार र मोटरसाइकलमा सवार सुर्खेत लेकबेसी नगरपालिका वडा नम्बर ३ राताटार घर भई हाल सशस्त्र प्रहरी ४२ नम्बर गण शमशेरगञ्ज बाँकेमा कार्यरत सशस्त्र प्रहरी सहायक निरीक्षक वर्ष ४२ को लालबहादुर सुनार गम्भीर घाइते भएका थिए ।

घाईतेहरुलाई उपचारको लागि नेपालगञ्ज मेडिकल कलेज शिक्षण अस्पताल कोहलपुरमा पुर्याएकोमा, उपचारको क्रममा भुपेन्द्र सुनारको मृत्यु भएको चिकित्सकले घोषणा गरेका कोहलपुर प्रहरीले जनाएको छ । घाईते लालबहादुर सुनारको उपचार भइरहेको छ भने उनको अवस्था आहिले सामान्य रहेको प्रहरीले जनाएको छ।