काठमाडौं:अधिकारकर्मीका नाममा आन्दोलनलाई उग्र बनाउँदै लगेपछि रुबी खान पक्राउ परेकी छन् । काठमाडौं प्रहरीले उनलाई शनिबार दिउँसो पक्राउ गरेको हो । सिंहदरबारको दक्षिणी गेटमा प्रदर्शन गर्न पुगेकी खानलाई प्रहरीले पक्राउ गरेको थियो । नेपालगञ्जकी निर्मला कुर्मीको न्यायको माग गर्दै उनी काठमाण्डौ केन्द्रित आन्दोलनमा छिन् ।

खान सहितका महिलाहरुले करिब दुई महिनादेखि काठमाण्डौको माइतीघर मण्डलामा धर्ना दिँदै आएका छन् । उनीहरुले गृहमन्त्रीलाई खोज्न सिंहदरबार जान लागेको भन्दै शनिबार चर्का नारा लगाएका थिए । त्यसक्रममा प्रहरीले उनीहरुलाई पक्राउ गरेको हो ।