नेपालगन्ज : नेपालगन्जमा लुम्बिनी कप महिला फुटवल हुने भएको छ । बाँके जिल्ल फुटबल संघको सहकार्यमा आगामी फागुन अन्तिम अन्तिम साता अन्तरालले उक्त प्रतियोगिता आयोजना गर्ने भएको हो । नेपाली राष्ट्रिय महिला फुटवल टिमको पहिलो कप्तान रमा सिंह र वर्तमान कप्तान एन्जिला तुम्बाप्पो सुब्बाले संयुक्त रुपमा लुम्बिनी कपको लोगो सार्वजनिक गरेका छन् ।

प्रतियोगिताको लोगोमा शान्तिका अग्रदुत गौतमबुद्ध,  महिला फुटवल खेलाडीको आकृति र नेपाली राष्ट्रिय झण्डाको नीलो र सिम्रिक रातो रङ्ग समेटिएको छ । नेपालगन्ज रंगशालामा हुने प्रतियोगितामा नेपाल र भारतका ८ टिमको सहभागीता रहने अन्तरालका प्रमुख कार्यकारी जयनारायण शाहले जानकारी दिए ।

महिला फुटबलको विकासमा प्रतियोगिता महत्वपुर्ण सावित हुने उनले बताए । लुम्विनी कप नेपालकै प्रतिष्ठित फुटवल प्रतियोगिता हुने प्रमुख कार्यकारी शाहको भनाई छ ।