बाँके बैजनाथ । स्वास्थ्य क्षेत्रको सुधारको माग राख्दै अनसनमा रहेका डा.गोविन्द केसी का माग संवाद मार्फत यथाशीघ्र निकासका लागि गैर सरकारी महासंघ लुम्बिनी प्रदेश समितिले माग गरेको छ ।
बिहिबार लुम्बिनी प्रदेशका उपाध्यक्ष धर्म रोकाया द्धारा जारी प्रेस विज्ञप्तीमा डा.गोविन्द केसीको स्वास्थ्य स्थिति गम्भिर हुँदै गएकोप्रति गैर सरकारी संस्था महासंघ लुम्बिनी प्रदेश नेपालको ध्यानाकर्षण भएको उल्लेख गरेका छन् । विज्ञप्तीमा महासंघ सम्बन्धित सबै पक्षलाई संवेदनशील भई डा.केसीका मागका विषयमा संवाद मार्फत यथाशीघ्र निकासका लागि सरकारलाई अपिल गरेका छन् ।
सरकारले डा.केसीका मागहरुका विषयमा छलफल गर्न वार्ता समिति गठन गर्नु सकारात्मक रहेको भन्दै वार्ताद्वारा समाधान खोज्नका लागि सरकार र डा.केसीलाई हार्दिक आग्रह गर्दछौं भनि विज्ञप्तीमा उल्लेख गरिएको छ ।
मूलुक कोभिड–१९ बाट आक्रान्त भईरहेको अवस्थालाई मनन गर्दै अनसनमा रहनु भएका डा.केसी र सरकार दुबै पक्षलाई जिम्मेवार भई लचिलो रुपमा प्रस्तुत हुन र संवाद मार्फत निकास खोज्नु नै उपयुक्त हुने रोकायाले विज्ञप्तीमा उल्लेख गरेका छन् ।
