बाँके\माध्यामिक विद्यालय स्तरीय छैटाैं मेयर कप रनिङ्गशिल्ड खेलकुद प्रतियोगिता–२०७९ को उपाधी त्रिभुवन माध्यमिक विद्यालयले हात पार्न सफल भएको छ ।
काेहलपुर नगरपालिकाको आयोजनामा शुक्रबारदेखि सुरु भई साेमबार समापन भएको प्रतियोगितामा सामुदायिक र संस्थागत गरि ३७ वटा विद्यालयको सहभागिता रहेकोमा त्रिभुवन मा वि प्रथम हुन सफल भएको हो ।
प्रतियाेगितामा ग्रीनपिस मा वि दितिय र डायनेमिक मा वि ले तृतिय स्थान हासिल गरेका छन। यसैगरी प्रतियोगितामा छात्रतर्फ उत्कृष्ट खेलाडी डायनमिकमा वि का प्रतीक सुनार र छात्रातर्फ उत्कृष्ट खेलाडी ग्रिन पिस मा वि का तुलसा दमाई हुनुभएको छ ।
विजयी विद्यालय र खेलाडीहरुलाई काेहलपुर नगरपालिकाका प्रमुख पुर्ण प्रसाद आचार्य,उप प्रमुख संगिता सुवेदी ,काेहलपुर नपरपालिका सामाजिक विकास समितिका संयाेजक नारायणी वली,काेहलपुर नगर खेलकुद विकास समितिका बुद्दि थापा ,काेहलपुर नगर शिक्षा प्रमुख राम बहादुर हमाल लगायतले शिल्ड तथा पुस्कार वितरण गर्नुभयो ।प्रतियाेगिता कृष्ण माविको खेल मैदानमा भएको थियाे।
समापनमा काेहलपुर गरपालिकाका प्रमुख पुर्ण प्रसाद आचार्यले प्रतियोगिता सफल पार्न सहयोग गर्ने सबैमा धन्यवाद ज्ञापन गर्दै खेलकुदमा प्राथमिकता दिइएको बताउनुभयो ।
नगर प्रमुख आचार्यले आगामी दिनमा खेलकुद सप्ताह राखि खेलकुदलाई आगाडीबढाउनु पर्नेमा जाेड दिनुभयाे ।समाहराेमा नगर उप प्रमुख संगिता सुवेदीले युवाहरु खेलकुद प्रति रुचिबढेकाे भन्दै सबै विद्यालयहरुलाई खेलकुदलाई प्राथमिकता दिन विद्यालयहरुलाई आग्रह गर्नुभयाे। ग्रीनपिसकी तुलसा दमाई उत्कृष्ट खेलाडी ग्रीनपिसकी तुलसा दमाई उत्कृष्ट खेलाडी घाेषणा भएकी छन। उनले नगर प्रमुख पुर्ण प्रसाद आचार्यकाे तर्फबाट रु ५१ हजार नगद समेत प्राप्त गरीन।
