वेस्टइन्डिजका लागि शेफेन रदरफोर्डले अर्धशतक पूरा गरे। उनले ३९ बलमा २ चौका र ६ छक्का सहयोगमा सर्वाधिक ६८ रनको योगदान दिए।  निकोलस पुरनले १७ रन थपे। अकेल हुसैनले १५, आन्द्रे रसेलले १४ र रोमारियो सेफार्डले १३ रन बनाए।

आजको खेलमा आयोजक वेस्टइन्डिज न्युजिल्यान्डलाई हराउँदै एक खेल अगावै सुपर ८ मा पुग्न चाहन्छ। २ खेलमा अपराजित रहेको वेस्टइन्डिज ४ अंकमा दोस्रो स्थानमा छ। उता न्युजिल्यान्ड भने घरेलु टोलीलाई हराउँदै पहिलो जितको खोजीमा छ।